Инха их сургуулийн эмнэлгийн Олон улсын эрүүл мэндийн төв нь 2009 оноос хойш дэлхийн өнцөг булан бүрээс ирсэн гадаадын иргэд болон хилийн чанадад байгаа Солонгосчуудад эмнэлгийн иж бүрэн үйлчилгээг үзүүлж байна. Эмнэлгийн ажилтнууд, сувилагч мөн англи, орос, хятад хэлээр ярьдаг тус тусын чиглэлээр мэргэшсэн 6 зохицуулагч кординаторууд ажилладаг.

Инха их сургуулийн эмнэлэг нь төрөл бүрийн чиглэлээр мэргэшсэн боловсон хүчинтэй, хамгийн сүүлийн үеийн тоног төхөөрөмжөөр тоноглогдсон 925 ортой гуравдугаар шатлалын нэгдсэн эмнэлэг бөгөөд орон нутгийн түргэн тусламжийн төв болон Инчон нисэх онгоцны буудлын терминал тус бүрд эрүүл мэндийн төв тус тус байрладаг .

Олон улсын эрүүл мэндийн төв нь олон төрлийн хэл, соёлоороо ялгаатай хүмүүст тав тухтай орчинд хамгийн сайн эмнэлгийн тусламж үйлчилгээг үзүүлэхийн төлөө хичээнгүйлэн ажиллаж байна.

Үйлчилгээ

Амбулаторийн үйлчилгээ болон зөвлөгөө
Олон Улсын Эрүүл Мэндийн Төв нь тус эмнэлгийн 3-р давхарт байрладаг. Орон нутагт тогтоосон өвчлөл, эрүүл мэндийн үзлэг(визтэй холбоотой эрүүл мэндийн үзлэгт хамрагдах), гадаад руу суралцах/ажлын өмнөх үзлэг, онош болон жор гэх мэт зөвлөгөөг эндээс авч болно.
Нэмэлт зөвлөгөө шаардлагатай тохиолдолд орчуулгын үйлчилгээг хийж, эмнэлэгтэй холбож тусламж үзүүлэн ажиллах болно. Тус төвд олон улсын жишигт нийцсэн эмч, мэс заслын дараах мэргэжилтнүүд хамтран ажилладаг.
Хэвтэн эмчлүүлэх, эмчилгээ , яаралтай тусламж
Тус эмнэлгийн 18-р давхарт гадаад өвчтөнүүдэд зориулсан хэвтэн эмчлүүлэх өрөөнүүд байлаг. Олон улсын эрүүл мэндийн төвийн ажилтнууд нь эмнэлэгт хэвтэн эмчлүүлж буй гадаад өвчтөнүүдэд эмнэлгийн үйлчилгээ үзүүлэхээс гадна байнгын дэмжлэг тусламж үзүүлдэг.
Эмнэлгийн яаралтай тусламжийн төв нь жилийн 365 өдөр, 24 цагаар ажилладаг. Мөн олон улсын эрүүл мэндийн төв болон түргэн тусламжийн төвийн хооронд 24/7 шуурхай утас ажилладаг.